"Manchester Siti" bosh murabbiyi Pep Gvardiola jamoani tark etgach, faoliyatida tanaffusga chiqishini ma'lum qildi.

"Manchester Siti" bilan shartnomam tugagach, ketaman. Ishonchim komil. Nafaqaga chiqamanmi yoki yo'qmi, bilmayman, lekin tanaffus qilaman. Meni qanday eslab qolishlarini istayman? Bilmayman. Barcha murabbiylar o'z mehnatlari haqida xotira qoldirish uchun g'alaba qozonishni istashadi. Men "Barselona", "Bavariya" va "Manchester Siti" muxlislari mening jamoalarim o'yinlarini tomosha qilib, zavq olishganiga ishonaman" - dedi Gvardiola.

Gvardiolaning "Manchester Siti" bilan amaldagi shartnomasi 2026/2027 yilgi mavsum oxirigacha amal qiladi.