Lautaro Martines "Barselona"ga qarshi o'ynashi mumkin.

Insayder Janluika Di Martsio tarqatgan xabarga ko'ra, hujumchi Chempionlar ligasi yarim finalida "ko'k-anorranglilar"ga qarshi javob o'yinida asosiy tarkibda maydonga tushmoqchi. Xuddi shu narsa Benjamin Pavarga ham tegishli.

Bugun har ikki futbolchi ham ayrim cheklovlar bilan umumiy guruhda ishlashdi. Frattezi jarohati sabab maydonga tushmadi.

Martines o'tgan chorshanba kuni "Barselona"ga qarshi o'yinning birinchi bo'limida sonidan jarohat oldi. Pavar 27 aprel kuni “Roma”ga qarshi o'yinda to'pig'idan jarohat olgan edi.