"Real Madrid"ning asosiy hujumchilaridan biri Rodrigo Goes Ispaniya La Ligasining 35-turi doirasida "Barselona"ga qarshi bo'lib o'tadigan o'yinda maydonga tushishi mumkin.

Bu haqda insayder Fabritsio Romano xabar berdi.

Braziliyalik vinger isitmasi tufayli "Selta"ga qarshi (3:2) so'nggi liga o'yinini o'tkazib yuborishga majbur bo'lganidan so'ng maydonga qaytmoqchi.

Qayd etish joiz, Rodrigo “Real Madrid”ning joriy mavsumdagi asosiy futbolchilaridan biri hisoblanadi. U 2024/2025 yilgi mavsumda "Qirollik klubi" safida 50 o'yinda 10+13 gol+pas berdi.

"Barselona" - "Real" uchrashuvi 11 may, yakshanba kuni bo'lib o'tadi.

Avvalroq los-blankoliklar Londonning "Arsenal" jamoasi qiziqayotgan Rodrigoga narx belgilagani, ammo uning kelajagi borasidagi qarorni Madrid klubining yangi murabbiyi qabul qilishi haqida xabar berilgandi.