"Barselona" yarim himoyachisi Pedri "Inter"ga qarshi Chempionlar ligasi yarim final javob o'yinidagi hakamlikdan noroziligini bildirdi.

"Neradzurrilar" qo'shimcha bo'limlardan so'ng 4:3 hisobida g'alaba qozonishdi va finalga yo'l olishdi. O'yin yakunlanganidan so'ng “ko'k-anorranglilar” ustozi Xans-Diter Flik hakam Shimon Marchinyakning ishidan mamnun emasligini aytdi. Pedri murabbiyning so'zlarini qo'llab-quvvatladi.

"Men Flikning fikriga qo'shilaman, hakam barcha noaniq epizodlarni "Inter" foydasiga talqin qildi. UEFA bu hakam bilan shug'ullanishi kerak. Ba'zi narsalarni shunchaki tushunib bo'lmaydi", - deydi ispaniyalik yarim himoyachi.

Ikki o'yindan iborat bahsda “Inter” 7:6 hisobida g'alaba qozondi.