“Barselona”ning braziliyalik vingeri Rafinya Dias Chempionlar Ligasida Krishtianu Ronalduga tegishli bo'lgan ajoyib rekordni takrorladi. U “Inter”ga qarshi yarim final javob uchrashuvida (3:4) gol urdi.

Shu gol orqali Rafinyaning joriy mavsumdagi natijalari 21 golli harakatga etdi — 13 ta gol va 8 ta golli uzatma. Bu — Chempionlar Ligasi tarixidagi eng yuqori ko'rsatkichlardan biri bo'lib, avvalroq bu natijaga faqat Krishtianu Ronaldu 2013/14 yilgi mavsumda (17 gol va 4 assist) erishgandi.

Rafinya ushbu natijaga 14 ta o'yinda, Ronaldu esa 11 ta o'yinda erishgan.