Hujumchi Erling Xoland qachondir Ispaniya chempionatida o'zini sinab ko'rmoqchi. Matbuot turli vaqtlarda norvegiyalikni La Liganing ikki superklubi - "Real" va "Barselona" bilan bog'lagan.

El Nacional nashri xabariga ko'ra, Xoland "Real" variantini qisqa yoki o'rta muddatli manzili sifatida istisno qilgan. Asosiy sabab iqtisodiy emas, balki sportga bog'liq - Erling Vinisius va Mbappe bilan hujumda unga o'rin yo'qligini tushunadi. "Barselona"da esa yulduz hujumchi yangi davr etakchisiga aylanishi mumkin bo'lgan loyihani ko'rmoqda.

Manbaning qayd etishicha, Xolanding "Barselona"ga transferi 2026 yilning yozida rasmiylashtirilishi mumkin. Kataloniyaliklarda moliyaviy ishlarni tartibga keltirish uchun vaqt bor. "Ko'k-anorranglilar" bu vaqtgacha 175 million evro topishi kerak - Xolanding transferi taxminan shunchaga tushadi.