Kataloniyaning "Barselona" klubi sport direktori Deku hujumkor yarim himoyachilar Lamin Yamal va Rafinyaning jamoa uchun ahamiyati haqida gapirdi.

"Hozir o'zimizni Lamin va Rafinyaga qaram his qilyapmiz. Jamoaga shunday xususiyatlarga ega futbolchilar ko'proq kerak. Agar jamoa tarkibini yaxshilay olsak, ajoyib bo'lardi. Lekin eng muhimi, hozir bor narsamizni saqlab qolish", - deya funktsionerning so'zlarini keltiradi ESPN.

Bu mavsumda "Barselona" finalda "Real"ni mag'lub etib, Ispaniya kubogini qo'lga kiritdi. La Ligada Xans-Diter Flikning futbolchilari chempionlik unvonini qo'lga kiritishga juda yaqin.