"Aston Villa"da ijara asosida to'p tepayotgan "Manchester Yunayted" hujumchisi Markus Reshfordni hamon "Barselona"ga o'tishi mumkinligi aytilmoqda.

"Ko'k-anorranglilar" qishdayoq inglizga qiziqish bildirgan, ammo kelishuvni rasmiylashtira olmagan. Mish-mishlarga ko'ra, hujumchi hamon Kataloniya grandiga o'tishni orzu qilmoqda - transfer yozda amalga oshishi mumkin. Transfer News Live nashrining El Nacional'ga tayanib xabar berishicha, "Barselona" etakchisi Lamin Yamal Reshfordni o'z safiga qo'shib olish g'oyasini qo'llab-quvvatlamoqda. 17 yoshli vinger "qizil iblislar"ning yulduzli tarbiyalanuvchisi bilan bir jamoada o'ynashni istardi.

Transfermarkt ekspertlari Markus Reshfordning narxini 50 mln evroga baholamoqda.