Madridning “Real” klubi Ispaniya chempionatining 36-turida navbatdagi g'alabani qo'lga kiritdi. “Malorka”ga qarshi o'yinda Karlo Anchelotti shogirdlari birinchi bo'lib gol o'tkazib yuborgan bo'lsa-da, o'yinning borishini o'zgartirib, qo'shib berilgan vaqtda kiritilgan gol evaziga 2:1 hisobida g'alaba qozonishdi.

Bu "Los-Blankos"ning joriy La Ligadagi oltinchi kambekidir. Bu ko'rsatkich bo'yicha Madrid klubi birinchi o'rinni "Barselona" va "Atletiko" bilan bo'lishib turibdi.

2024/25 yilgi mavsumda Ispaniya chempionatida jami 50 ta kambek qayd etilgan. Bu 2012/13 yilgi mavsumdan beri eng yuqori ko'rsatkichdir.