"Barselona" bosh murabbiyi Xans-Diter Flik La Liga 37-turidan o'rin olgan "Vilyarreal"ga (2:3) qarshi o'yindagi mag'lubiyat haqida gapirdi.

Uchrashuv "ko'k-anorranglilar" uchun ahamiyatga ega emasdi - jamoa allaqachon chempionlikni kafolatlagandi. Uchrashuv yakunlangach, kataloniyaliklarga kubok topshirildi.

"Bugun bayram kuni, meni mag'lubiyat qiziqtirmaydi. Payshanba kuni chempion bo'ldik, juma kuni esa g'alabani nishonladik. Men har doim bahona izlamaslik kerakligini aytaman, lekin bu safar unday emas. Albatta, biz g'alaba qozonishni xohladik, ammo jamoa charchadi," - dedi Flik o'yindan keyin jurnalistlar bilan suhbatda.