"Barselona" hujumchisi Robert Levandovski La Liganing eng yaxshi to'purari bo'lish uchun kurashda Kilian Mbappega yutqazib qo'ydi.

Polshalik so'nggi turda Bilbaoning “Atletik” klubiga qarshi o'yinda (2:0) dubl qayd etdi, ammo poygada anchadan buyon peshqadamlik qilayotgan bo'lsa-da, “Real” yulduzi uni ortda qoldirdi. Mbappe 31 ta gol bilan eng yaxshi to'purarga aylandi, Levandovskida esa 27 ta gol bor.

"Albatta, Pichichi kubogini qo'lga kirita olmaganimdan hafsalam pir bo'ldi. Jarohatdan so'ng yuqori formaga kirishim qiyin bo'ldi, ammo bu normal holat", - dedi 36 yoshli hujumchisi.

Umuman olganda, Robert Levandovski bu mavsumda Xans-Diter Flik jamoasi safida 52 ta uchrashuvda 42 ta gol urdi.