Madridning “Atletiko” klubi hujumchisi Xulian Alvares manfaatlarini himoya qiluvchi agent Fernando Idalgo “Barselona” haqidagi savolga javob berdi.

"Xulian "Barsa"ni yoqtiradimi? Ha, albatta. Messi tufayli deyarli barcha argentinaliklarga bu klub yoqadi. Xulian "Barselona"ning ko'plab o'yinchilaridan, masalan, Pau Kubarsidan minnatdor. Ular u haqida ijobiy gapirishdi, bu uni motivatsiya qilmoqda. Hozir Alvares "Atletiko"da o'ynaydi", deydi agent.

Alvaresning "Atletiko" bilan shartnomasi 2030 yilgacha mo'ljallangan. O'tgan yozda uni madridliklar "Manchester Siti"dan sotib olgandi.