Bilbaoning "Atletik" klubi vingeri Niko Uilyams faoliyatini La Liga gigantlaridan qaysi biri bilan davom ettirishni xohlashini hal qildi.

"Atletik"ni tark etishi kutilayotgan 22 yoshli futbolchi "Real Madrid" taklifini rad etib, "Barselona"ga o'tishga tayyor ekanligini ma'lum qildi, deb xabar beradi Catalunya Radio.

Yaqinda ma'lum bo'lishicha, ispaniyalikning agenti allaqachon "ko'k-anorranglilar"ga mijozining xohish-istaklari haqida aytgan. Kataloniya klubi futbolchi borasida muzokaralar olib bormoqda. O'tgan yozda Niko Uilyams "Barselona"ga o'tishni rad etgandi. Transfer amalga oshishi uchun amaldagi Ispaniya chempioni 58 million evrolik tovon pulini faollashtirishi kerak.