"Barselona" sport direktori Deku jamoa vingeri Ansu Fatining ketishi mumkinligi haqida gapirdi. Avvalroq, futbolchi ijara asosida "Monako"ga o'tishga yaqin ekani haqida xabarlar tarqalgan edi.

"Yoshi va faoliyatini hisobga oladigan bo'lsak, Ansu Fati o'yin amaliyotisiz o'tira olmaydi. Ammo agar u ketsa, ijarada bo'ladi. U 23 yoshda, lekin odamlar u haqida go'yo 30 yoshda bo'lgandek gapirishadi. Uning hali o'sishi va o'rganishi kerak bo'lgan narsasi bor", - deydi Deku.

Joriy mavsumda Fati barcha musobaqalarda 11 uchrashuvda maydonga tushdi, ammo gol ura olmadi.