"Barselona" darvozaboni Mark-Andre ter Shtegenning kelajagi mavhumligicha qolmoqda. Kataloniya klubi Joan Garsiya uchun 25 million evro sarfladi va "ko'k-anorranglilar" aynan shu darvozabonga "birinchi raqam" sifatida e'tibor qaratadigandek.

AS nashri tarqatgan xabarga ko'ra "Barselona" bosh murabbiyi Xans-Diter Flik bu vaziyatdan o'zini olib qochmoqchi emas. Flik iyul oyida, mavsumoldi o'yinlari boshlanishiga bir necha kun qolganda ter Shtegen bilan uchrashib, unga vaziyatni to'g'ridan-to'g'ri tushuntirishi kutilmoqda. Buyog'i suhbat yakuniga bog'liq bo'ladi.

Avvalroq ter Shtegen "Barselona"da qolishi haqida gapirgandi. Uning shartnomasi 2028 yilning yarmigacha mo'ljallangan.