Juma kuni "Atletik" vinger Niko Uilyams bilan shartnomani uzaytirganini e'lon qildi. Yaqinda 23 yoshga to'ladigan futbolchi 2035 yilning yarmigacha mo'ljallangan mehnat shartnomasini imzoladi.

Nufuzli insayder Fabritsio Romano endi Uilyamsni juda katta pul evaziga sotib olish mumkinligini ma'lum qildi.

"Niko Uilyamsning yangi shartnomasiga taxminan 95-100 million evroga sotib olish bandi kiritilgan," - deb yozdi Romano ijtimoiy tarmoqda.

Uilyams tez orada "Barselona"ga o'tishi kutilgandi, ammo futbolchi faoliyatini Bilbaoda davom ettirishga qaror qildi.