"Barselona" darvozaboni Mark-Andre ter Shtegen Kataloniya klubini tark etishi mumkin.

Diario Sport nashri xabariga ko'ra, Turkiyaning "Galatasaroy" klubi 33 yoshli germaniyalik posbonga "Barselona"dagidan ko'ra ko'proq maoshli 4 yillik shartnoma taklif qilgan. Biroq, "Galatasaroy" muhim shartni qo'ydi - klub ter Shtegenni faqat tekin transfer evaziga o'z safiga qo'shib olishga tayyor.

Ter Shtegen "Barselona"da 2014 yildan buyon o'ynab kelmoqda. O'tgan mavsumda darvozabon barcha turnirlarda 9ta o'yinda maydonga tushib, 11ta gol o'tkazib yuborgan. Futbolchining klub bilan shartnomasi 2028 yilgacha mo'ljallangan. Biroq, Joan Garsiyani sotib olganidan so'ng, "ko'k-anorranglilar" nemis darvozabonini o'z rejalariga kiritmayapti.