"Manchester Yunayted" klubi qanot hujumchisi Markus Reshford faoliyatini "Barselona"da davom ettirishi mumkin. Barca Universal'ning jurnalist Migel Riko (COPE) ma'lumotiga tayanib xabar berishicha, klublar 2026 yilning iyuniga qadar ijara shartnomasini kelishib olgan.

Agar kataloniyaliklar yakunda futbolchini sotib olmaslikka qaror qilsa, "Manchester Yunayted"ga besh million evro atrofida tovon puli to'lashiga to'g'ri keladi.

Reshford bu kelishuv uchun maoshini 30 foizga kamaytirishga rozi bo'ldi, ammo bu holatda ham uning daromadi yiliga 14 million evro atrofida bo'ladi. Sotib olish huquqi faollashtirilgan taqdirda, summa taxminan 30-35 million evroni tashkil etadi.