"Barselona" darvozaboni Mark-Andre ter Shtegen jarohati bo'yicha ma'lumotnomani imzolashdan bosh tortdi.

Hamma gap shundaki, xulosada darvozabonni tiklash muddati ko'rsatilgan, bu muddat to'rt oyni tashkil etadi. Bu "Barselona"ga yangi futbolchilarini ro'yxatdan o'tkazish imkonini beradi. Ammo ter Shtegen kataloniyaliklarga yon bermayapti, deya xabar bermoqda Mundo Deportivo.

Bunga javoban "Barselona" klub huquqshunoslaridan bunday harakatlari uchun nemisni jazolash variantini ko'rib chiqishni so'radi.

Eslatib o'tamiz, rahbariyat anchadan buyon ter Shtegenga jamoa rejalariga kirmasligini aytib, o'ziga yangi klub qidirishni taklif qilgandi. Biroq germaniyalik posbon 2026 yilgi jahon chempionati oldidan boshqa jamoaga ketmoqchi emas.