"Chelsi" vingeri Rahim Sterling transfer oynasi yopilgunga qadar jamoasini o'zgartirishi mumkin.

"Ko'klar" 30 yoshli futbolchi bilan xayrlashishga tayyor, chunki unga asosiy tarkibdan joy ko'rmayapti. TBR Football xabariga ko'ra, inglizning o'zi "Chelsi"dan ketsa, Londonda qolishga qaror qilgan. Vaziyatni "Vest Xem", "Fulxem" va "Kristal Pelas" klublari kuzatib bormoqda.

Rahim Sterling o'tgan mavsumni Londonning boshqa bir klubi - "Arsenal"da ijarada o'tkazdi. Futbolchining hozirgi transfer narxi Transfermarkt portali tomonidan 10 mln evroga baholanmoqda, uning "Chelsi" bilan mehnat shartnomasi esa 2027 yilning yarmigacha mo'ljallangan.