"Barselona" qanot himoyachisi Jyul Kunde yaqin kunlarda jamoa bilan 2027 yiliga mo'ljallangan shartnomasini uzaytiradi.

Ispaniyaning Sport nashri xabariga ko'ra, Angliya Premer-ligasining bir qator grand jamoalaridan jozibador takliflar borligiga qaramay u "Barcelona"da qolishni afzal bildi.

Kunde murabbiy Flikning ishonchini juda qadrlaydi. U o'tgan mavsumda eng ko'p o'yinlarda maydonga tushgan futbolchi edi, faqat mavsum oxiridagi jarohat sababli o'yinlarni o'tkazib yuborgan.

U markaziy himoyachi pozitsiyasini afzal ko'rsa-da, o'ng qanot himoyachisi sifatida o'ynaganidan hech qachon shikoyat qilmagan.

Jyul hozirda 65 million evroga baholanmoqda. U "blaugrana" safida jami 141 ta o'yinda 7 ta gol urib, 18 bor golli uzatma bergan.