Mark Kasado "Betis" e'tiboriga tushdi.

Avvalroq, "Barselona" yarim himoyachisiga APLning "Vulverxempton" va "Vest Xem" klublari qiziqish bildirayotgani ma'lum bo'lgandi. U allaqachon 21 yoshli futbolchining transferi bo'yicha taklif bilan chiqqan.

"Betis" ham Jonni Kardozo ketganidan keyin yarim himoya chizig'ini kuchaytirish maqsadida Kasadoni kuzatib bormoqda, deb xabar beradi Mundo Deportivo.

"Barsa" Mark bilan xayrlashmoqchi emas, ammo agar yarim himoyachi transfer oynasi yopilgunga qadar o'ziga o'yin vaqti etishmayotganini tushunsa va ketishni istasa, kataloniyaliklar kamida 30 mln evrolik takliflarni tinglashga tayyor.

Ayni paytda, futbolchiga yaqin manbalarning so'zlariga ko'ra, Kasado ketish variantlarini ko'rib chiqmayapti.