"Komo" bir vaqtning o'zida "Barselona"ning ikki futbolchisini ijaraga oladi. Gap darvozabon Inyaki Penya va o'ng qanot himoyachisi Ektor Fort haqida ketmoqda. La Vanguardia nashri tarqatgan xabarga ko'ra ikkala futbolchi ham ijara asosida Italiya klubiga o'tishga yaqin turibdi.

26 yoshli Penya "ko'k-anorranglilar"ning asosiy tarkibiga kirishining deyarli iloji yo'q: Joan Garsiya kelganidan keyin u darvozabon sifatida Xans-Diter Flikning to'rtinchi tanlovi bo'lib turibdi. Kataloniya grandi 19 yoshli Fortni uzoq muddatli kelajak uchun yaxshi variant sifatida ko'rmoqda, ammo joriy mavsumda emas.

"Komo"ning hozirgi bosh murabbiyi - "Barselona" va Ispaniya terma jamoasining mashhur sobiq yarim himoyachisi Sesk Fabregas hisoblanadi.