"Barselona" vingeri Yan Virgili "Malorka"ga ko'chib o'tdi. Kataloniya grandi "ko'k-anorranglilar"ning asosiy jamoasida debyut qilmagan 19 yoshli tarbiyalanuvchining sotilganini rasman tasdiqladi. Ispaniya OAV ma'lumotlariga ko'ra, transfer qiymati 3,5 mln evroni tashkil etgan, shuningdek, "Barselona" futbolchining kelajakdagi qayta sotuvi summasining 50 foizini oladi. Bitimga La Liga klublari uchun tez-tez uchraydigan birinchi navbatdagi qayta sotib olish bandi ham kiritilgan.

Yan Virgilining "Malorka" bilan shartnomasi 2030 yilgacha mo'ljallangan. Istiqbolli vinger o'tgan mavsumda "Barsa" ikkinchi jamoasidagi 17 o'yinda 4ta gol va 2ta assistni o'z hisobiga yozdirib qo'ydi.