"Chelsi" "Barselona" yarim himoyachisi Fermin Lopes transferi ustida ishlashda davom etmoqda.

"Ko'k-anorranglilar" moliyaviy qiyinchiliklarga qaramay, 22 yoshli futbolchini qo'yib yubormoqchi emas, xavbekning o'zi ham qolishni rejalashtirmoqda. Jurnalist Ferran Martinesning yozishicha, "Chelsi" taslim bo'lmayapti: londonliklar qat'iyatli va foydali taklif futbolchining fikrini o'zgartirishga yordam berishiga ishonmoqda. Ispaniyalik futbolchining maoshi hozirgidan ancha oshishi, shuningdek, Entso Mareskaning uzoq muddatli loyihasida muhim rol o'ynashi va'da qilinmoqda.

Transfermarkt portali Fermin Lopesning narxini 50 mln evroga baholamoqda. Mish-mishlarga ishonadigan bo'lsak, "Barselona" ancha ko'proq - taxminan 90 mln evro so'ramoqda.