"Valensiya" jamoasi sardori, himoyachi Xose Gayya La Liganing to'rtinchi turida Kataloniyaning "Barselona" jamoasiga qarshi o'yindagi yirik mag'lubiyat haqida fikr bildirdi.

"Ko'rshapalaklar" 0:6 hisobida engildi.

"Biz "Barsa" bosim o'tkazishini bilardik. Bunday vaziyatga tayyorlanib qo'ygan edik. Biroq raqib bizni juda yaxshi o'rganib chiqqan ekan, ularning kuchli tomonlariga qarshi tura olmadik. Bu natija bizga qattiq azob bermoqda. Endi kuch to'plab, oldinga intilishimiz kerak", - deb himoyachining so'zlarini keltiradi Mundo Deportivo.

To'rt turdan so'ng "Valensiya" to'rt ochko bilan La Liga turnir jadvalida 15-o'rinni egallab turibdi.