"Nyukasl" bosh murabbiyi Eddi Xau Chempionlar Ligasi doirasidagi "Barselona"ga qarshi o'yinda (1:2) o'tkazib yuborilgan gollar haqida gapirdi.

"Ko'k-anorranglilar"ga g'alabani angliyalik Markus Reshfordning dubli keltirdi. 58 va 67-daqiqalarda vinger o'z hisobiga gol yozdirib qo'ygan bo'lsa, mezbonlar bunga Entoni Gordonning 90-daqiqadagi goli bilan javob qaytardi.

"O'ylashimcha, biz himoyada, ayniqsa, birinchi goldan keyingi epizodda yaxshiroq o'ynashimiz mumkin edi. Ikkinchi gol - Reshfordning aql bovar qilmas zarbasi, ammo o'sha vaziyatda uning to'pni qabul qilib olishiga to'sqinlik qilmaganimizdan hafsalam pir bo'ldi," - deya Xauning so'zlarini keltiradi The Touchline.