Dushanba kuni Parijda "Oltin to'p"ni topshirish marosimi bo'lib o'tdi. Sovrin "PSJ" sharafini himoya qilayotgan frantsiyalik Usmon Dembelega nasib etdi. Sovrin uchun asosiy da'vogarlardan biri sanalgan Rafinya Dias ovoz berish natijalariga ko'ra, bor-yo'g'i beshinchi bo'lgani ko'pchilikni hayron qoldirdi.

Tadbir davomida natijalar ma'lum bo'lgach, braziliyalik futbolchini qo'llab-quvvatlovchi so'zlar bilan muxlislardan biri murojaat qildi: "Men uchun "Oltin to'p"ning haqiqiy sohibi sensan. Beshinchi o'rin - mutlaq o'g'rilik," - deya muxlisning so'zlarini keltiradi Barca Universal.

Rafinyadan yuqoriroqda uning jamoadoshi Lamin Yamal, "PSJ" xavbeki Vitinya va "Liverpul" hujumchisi Muhammad Saloh bor edi.