Lamin Yamalning oilasi "Oltin to'p" natijalaridan g'azablandi.

"Barselona" vingeri France Football talqiniga ko'ra dunyoning eng yaxshi futbolchilari reytingida 2-o'rinni egalladi. Sovrinni "PSJ" vingeri Usmon Dembele qo'lga kiritdi.

L’Équipe nashrining yozishicha, ovoz berish natijalari e'lon qilinganidan so'ng Yamalning atrofidagilar tezda marosimni tark etishgan.

Ispaniyalik g'olibni shaxsan tabriklashga ulgurdi.

Avvalroq, frantsuzning g'alabasidan keyin Munir Nasraui: "Lamin Yamal - shubhasiz, dunyoning eng yaxshi futbolchisi va men buni o'g'lim bo'lgani uchun aytayotganim yo'q. Uning raqobatchilari yo'q. Juda g'alati hodisa ro'y berdi", dedi.