"Manchester Siti" hujumchisi Erling Xolandga "Barselona" va Madridning "Real" klublari qiziqish bildirishda davom etmoqda.

Yil boshida norvegiyalik "shaharliklar" bilan yangi to'qqiz yillik shartnoma imzolagandi, ammo uning Ispaniyaga ko'chib o'tishi mumkinligi haqidagi mish-mishlar shu bilan to'xtamadi. El Nacional xabariga ko'ra, "Barselona"dagilar Xolandning Lamin Yamal bilan "avlodlar bog'lami"ni shakllantirish istagi tufayli "Real"ni emas, balki o'z klubini afzal ko'rishiga ishonishmoqda. "Real"ning hujum chizig'ida Kilian Mbappe va Vinisius Junior harakat qilmoqda, ular bilan Erlingni birlashtirish qiyinroq ko'rinmoqda.

Transfermarkt portali "Manchester Siti"ning 25 yoshli forvardini 180 mln evroga baholamoqda.