"Barselona" bosh murabbiyi Xans-Diter Flik jamoa uchun yarim himoyachi Pedri qanchalik muhim ekani haqida gapirdi.

22 yoshli ispaniyalik futbolchi yakshanba kuni "Real Sosedad"ga qarshi o'yinda uchrashuvning eng yaxshi futbolchisi deb topildi. Bahs "ko'k-anorranglilar"ning 2:1 hisobidagi g'alabasi bilan yakunlandi.

"Pedri maydonda bo'lganida, u shunchaki hamma joyda hozir-u nozir - himoyalanadi, doim bizga to'pni qaytarib beradi. U aniq epizodlarda qaerda joylashishi kerakligini juda yaxshi biladi. Pedri biz uchun juda muhim," - dedi Flik.

1 oktyabr kuni "Barselona" o'z uyida Chempionlar ligasi doirasida "PSJ"ni qabul qiladi.