Yakshanba kuni "Barselona" La Liga doirasida "Real Sosedad"ni mag'lub etdi (2:1), chorshanba kuni esa Chempionlar ligasida "PSJ" bilan to'qnash keladi.

Kechagi bellashuvni hujumkor yarim himoyachi Dani Olmo zaxiradan boshlagan bo'lsa, 17 yoshli debyutant Pedro Fernandes o'yinni asosiy tarkibda boshladi. Tanaffusda Olmo Droning o'rnini egalladi va Kataloniya grandiga g'alaba qozonishga yordam berdi.

"Olmoning sog'lig'ida hech qanday muammo yo'q edi - biz shunchaki uni "PSJ"ga qarshi o'yindan oldin dam oldirmoqchi edik, u o'yinning dastlabki daqiqalaridan maydonga tushadi," - dedi Flik matbuot anjumanida.