"Barselona" va "PSJ" kabi jamoalarning sobiq hujumkor yarim himoyachisi Rafinya Alkantara Lionel Messi va Neymar o'rtasidagi farqni tushuntirdi.

— Messi va Neymar o'rtasidagi farq!?

— Men uchun Neymarni tomosha qilish yoqimliroq edi — u o'yin bilan zavqlanardi. Ammo Messi esa to'pni olsa, deyarli har safar gol urardi. 2015 yilgi Chempionlar Ligasi mavsumida Neymar eng yaxshisi edi, lekin Messi haqida gapirish qiyin — u tarixdagi eng zo'r futbolchi.

Mashg'ulotlarda hech kim Neymardek to'p bilan mo''jizalar qilmagan — hatto Messi ham. Neymar besh nafar himoyachini osonlikcha aldab o'tardi, Messi esa zarba bergan paytidayoq to'p darvozaga kirishini bilarding», - dedi 32 yoshli futbolchi.

Rafinya - "Barsa" tarbiyalanuvchisi hisoblanadi. U 2007/2020 yillar davomida kataloniyaliklar tizimida harakat qilgan. U jamoa uchun 90 ta o'yinda 12 ta gol urib, 8 ta assist bergan.