"Barselona" tarbiyalanuvchisi Pau Kubarsi klub afsonasi Lionel Messi bilan hech qachon to'qnash kelmaganini aytdi.

"Men Leo Messi bilan hech qachon uchrashmaganman, omadim chopmagan. Men hech qachon "Kamp Nou"da to'p uzatuvchi bola bo'lmaganman. Men asosiy jamoa bilan mashg'ulotlarni boshlaganimda esa, Messi allaqachon "Barselona"ni tark etgandi," - deya Kubarsining so'zlarini keltiradi Barca Universal.

Messi "Barselona"ning asosiy jamoasida 2004 yildan 2021 yilgacha o'ynagan. Bu vaqt ichida argentinalik futbolchi 778 ta o'yin o'tkazib, 672 ta gol urgan va 303 ta golli uzatmani o'z hisobiga yozdirib qo'ygan.

Ayni vaqtda 38 yoshli Messi Amerikaning "Inter Mayami" klubi sharafini himoya qilmoqda.