"Barselona" yarim himoyachi Dani Olmoning jarohati bo'yicha bayonot berdi. Futbolchi tibbiy ko'rikdan o'tdi.

"Dani Olmoda chap boldir mushaklari shikastlangan, biriktiruvchi to'qimalarga zarar etmagan. Uning safga qaytish muddati tiklanish tezligiga bog'liq bo'ladi", - deyiladi bayonotda.

Avvalroq matbuotda 27 yoshli Olmoning tiklanishi uchun taxminan ikki-uch hafta kerakligi haqida xabar berilgandi. Bu yarim himoyachining "klasiko"da ishtirok etishini deyarli istisno qiladi. "Real" va "Barselona" 26 oktyabr kuni to'qnash keladi.

Bu mavsumda Dani Olmo "Barselona"ning 10 ta o'yinida maydonga tushdi. Xavbek hisobida bitta gol va ikkita golli uzatma bor.