"Barselona" Madridning "Real" klubiga qarshi bo'lajak o'yinni bir qator muhim futbolchilarsiz o'tkazishiga to'g'ri keladi.

Darvozabon Joan Garsiya va yarim himoyachi Dani Olmo hamon jarohatlarini davolay olishmayapti. Marca nashrining yangilangan ma'lumotiga ko'ra, ikkala futbolchining ham "el klasiko"ga qaytish imkoniyati deyarli yo'q. Uchrashuv 26 oktyabr kuni bo'lib o'tadi.

Vinger Rafinya Dias, biroz oldin xabar qilinganidek, "Real" bilan o'yinda Xans-Diter Flik jamoasiga yordam berishi mumkin, ammo "Jirona"ga qarshi bo'lajak o'yinda (18 oktyabr) "ko'k-anorranglilar" yulduz braziliyalik futbolchisiz o'ynashi aniq - murabbiy uni tarkibga kiritish haqida o'ylamayapti.