"Barselona"ning sobiq himoyachisi Jerard Pike La Ligadagi hakamlarning noxolisligi haqida gapirdi.

Ispaniyalik futbolchining fikricha, hakamlar "Real"ga yordam berish orqali natijalarga katta ta'sir ko'rsatadi.

"Men har doim La Liganing barcha hakamlari bir xil ekanini aytganman. Ularning barchasi "Real"ga muxlislik qiladi. Odamlar aut, fol, burchak to'pi kabi mayda-chuydalar unchalik rol o'ynamaydi deb o'ylashadi, lekin bularning barchasi juda muhim. Detallar o'yinlarning borishini o'zgartiradi va "Real" bundan doim foyda ko'rgan", - deya 38 yoshli sobiq futbolchining so'zlarini keltiradi Managing Barca.

Pike 2022 yil oxirida futbolchilik faoliyatini yakunladi. Uning hisobida "Barselona" safida barcha musobaqalarda 600 dan ortiq o'yin bor.