La Liga o'zining X (sobiq Twitter) sahifasida 17-tur doirasida AQShdagi Mayami shahrida bo'lib o'tishi kutilgan «Vilyarreal» — «Barselona» o'yini bekor qilinganini ma'lum qildi.Uchrashuv 2025 yil 20 dekabr kuni soat 23:00 ( Toshkent vaqti)da o'tkazilishi rejalashtirilgan edi.«La Liga chuqur afsus bilan ma'lum qiladiki, ispan futboli internatsionallashuvi yo'lida tarixiy va noyob imkoniyat bo'lgan mazkur loyiha amalga oshirilmaydi. Ispaniya chempionatining rasmiy o'yinini mamlakatimizdan tashqarida o'tkazish — musobaqamizni global darajada kengaytirish sari muhim qadam bo'lardi. Bu nafaqat klublarning xalqaro nufuzini oshirish, balki futbolchilarning tanilishi va ispan futboli brendini AQSh kabi strategik bozorda mustahkamlashga xizmat qilardi», — deyiladi La Liga bayonotida.Avvalroq tashkilotchilar mazkur bahsni Mayamida yuqori darajada o'tkazish uchun etarli vaqt qolmaganini ma'lum qilishgan edi.