"Barselona" hujumchisi Robert Levandovski Angliya premer-ligasiga ko'chib o'tishi mumkin. Daily Star shunday ma'lumotga ega.

Manbaga ko'ra, 37 yoshli Levandovski xizmatiga "Manchester Yunayted" bosh murabbiyi Ruben Amorim qiziqish bildirmoqda. Ta'kidlanishicha, futbolchining o'zi allaqachon "Old Trafford"ga o'tishga rozi bo'lgan.

Mish-mishlarga ishonadigan bo'lsak, "Barselona" yoshi katta hujumchi bilan mehnat shartnomasini uzaytirishni rejalashtirmayapti. Futbolchining kataloniyaliklar bilan shartnomasi kelasi yozda o'z nihoyasiga etadi.

Levandovski 2022 yildan beri "Barselona" sharafini himoya qilmoqda. Joriy mavsumda forvard barcha turnirlarda to'qqizta uchrashuvda maydonga tushib, to'rtta gol urdi.