«Barselona»ning yosh yulduzi Lamin Yamal mashhur sobiq himoyachi Jerar Pike yashagan uyni sotib olish niyatida. Bu haqda Ispaniyaning Sport.es nashri xabar berdi.

Ma'lumotlarga ko'ra, 18 yoshli futbolchi uyni xarid qilsa, u holda Ronald Arauxo va Alexandro Baldening qo'shnisiga aylanadi.

Eslatib o'tamiz, o'tgan hafta oxirida bo'lib o'tgan «el-klasiko»da «Barselona» safarda «Real Madrid»dan 1:2 hisobida mag'lub bo'ldi.

Joriy mavsumda Lamin Yamal Ispaniya chempionatida 6 ta uchrashuvda maydonga tushib, 2 ta gol urib va 4 ta golli uzatma berdi.