Madridning «Real» klubi himoyachisi David Alaba yaqin vaqtlarda jamoasini almashtirishi mumkin. Bu haqda jurnalist Sebasten Vidal xabar berdi.

Ma'lumotlarga ko'ra, 33 yoshli avstriyalik futbolchiga AQShning «Nyu-York Siti» klubi qiziqish bildirgan. MLS vakillari tajribali himoyachini qishki transfer oynasida o'z safiga qo'shib olish imkoniyatini ko'rib chiqmoqda.

Alabaning amaldagi shartnomasi «Real» bilan 2026 yil yozigacha mo'ljallangan. Hozircha tomonlar o'rtasida shartnomani uzaytirish bo'yicha muzokaralar olib borilmayotgani aytilmoqda.

Joriy mavsumda markaziy himoyachi Xabi Alonso jamoasi safida 4 ta o'yinda ishtirok etdi. So'nggi ikki bahsda esa jarohati sabab qatnashmadi.