“Barselona”ning 18 yoshli vingeri Lamin Yamal “Real” — “Barselona” uchrashuvidan keyin kutilmagan qaror qabul qildi. Bu haqda Championat.com xabar berdi.Yosh futbolchi so'nggi "el-klasiko”da o'zini namoyon eta olmadi va bahsdagi eng past baholardan birini oldi. O'yindan so'ng Yamal o'zining ijtimoiy tarmoqdagi sahifasi profilini o'zgartirdi — asosiy sahifadagi suratni o'chirib, uni qora fonga almashtirdi.La Liganing 2025/26 yilgi mavsumi 10-turidan o'rin olgan “Real” — “Barselona” uchrashuvi 26 oktyabr kuni Madriddagi “Santyago Bernabeu” stadionida bo'lib o'tdi. Bahs 2:1 hisobi bilan mezbonlar foydasiga yakunlandi.O'yin davomida Yamalni mahalliy muxlislar haqorat va sha'nini kamsituvchi baqir-chaqirlar bilan kuzatishdi, uchrashuvdan so'ng esa u o'yin oldidan aytgan keskin so'zlari sabab mojaro markazida qoldi.