"Barselona"ning o'ng qanot himoyachisi Xavi Espart tez orada asosiy jamoada debyut qilishi mumkin. 18 yoshli futbolchi "ko'k-anorranglilar" bosh murabbiyi Xans-Diter Flikda mashg'ulotlardagi o'yini bilan katta taassurot qoldirdi, deb xabar bermoqda jurnalist Serxi Sole. Qayd etilishicha, yosh ispaniyalik o'zining etukligi va universalligi bilan germaniyalik murabbiyni ayniqsa quvontirgan.

Xavi Espart mudofaa qanotida ham, o'rta chiziqda ham harakat qila oladi. Joriy mavsumda u "Barselona" qaydnomasidan uch marta joy oldi, ammo hozircha maydonga tushmadi.

Yakshanba kuni Kataloniya grandi o'z uyida La Liga doirasida "Elche"ni qabul qiladi.