"Napoli" Kevin de Bryuynening jarohatidan so'ng o'rta chiziqni kuchaytirishga harakat qilmoqda.

Yaqinda Italiyaning amaldagi chempionlari "Manchester Yunayted" xavbeki Kobbi Maynuga yana qiziqish bildirayotgani, ammo "qizil iblislar" yangi yulduzni yanvarda qo'yib yuborishni rejalashtirmayotgani xabar qilingandi.

Fichajes xabariga ko'ra, neapolliklar Maynuga muqobil sifatida "Barselona" futbolchisi Mark Kasadoni ko'rishmoqda. A Seriya grandi ispaniyalik yarim himoyachi uchun 30 mln evro berishga tayyor.

Joriy mavsumda Kasado Hans-Diter Flik jamoasi safida 12 marta maydonga tushib, bitta golli uzatmani o'z hisobiga yozdirib qo'ydi. 22 yoshli futbolchining shartnomasi 2028 yilgacha mo'ljallangan.