"Barselona" vingeri Lamin Yamal tez orada maydonga qaytishi kutilmoqda. 18 yoshli futbolchi Ispaniya terma jamoasining noyabr oyidagi o'yinlarini o'tkazib yubordi - u pubalgiya bilan kurashishda davom etmoqda. Shunga qaramay, jurnalist Xavi Kamposning ma'lum qilishicha, "ko'k-anorranglilar"ning yosh yulduzi 22 noyabr kuni bo'lib o'tadigan La Liganing "Atletik" Bilbaoga qarshi o'yiniga qadar tiklanib ulguradi.

Shuningdek, Pedri katta ehtimol bilan Chempionlar Ligasi doirasidagi "Chelsi"ga qarshi o'yinga (25 noyabr) qaytishi taxmin qilinmoqda.

Lamin Yamal joriy mavsumda Xans-Diter Flik jamoasining 11 ta uchrashuvida 6 ta gol urdi va shuncha golli uzatmani amalga oshirdi.