"Al-Hilol"ning qanot himoyachisi Joau Kanseluga "Barselona" qiziqish bildirmoqda. Bu haqda jurnalist Ekrem Qo'nur xabar bermoqda.

Avvalroq, portugaliyalik yana bir bor Evropaga ko'chib o'tishni istashini tan olgandi.

Manbaga ko'ra, yaqin vaqt ichida "Barselona" Kanseluning ehtimoliy transferi bo'yicha vaziyatni o'rganishni rejalashtirmoqda. Himoyachi 2023/24 yilgi mavsumda ham kataloniyaliklar sharafini himoya qilgandi.

Joriy mavsumda 31 yoshli Kanselu barcha musobaqalarda 4 ta uchrashuvda maydonga tushdi va 1 ta golli uzatmani amalga oshirdi.

Futbolchining "Al-Hilol" bilan shartnomasi 2027 yilgacha mo'ljallangan. Transfermarkt ma'lumotiga ko'ra, futbolchining narxi 15 million evroni tashkil etadi.