"Barselona" prezidenti Joan Laporta "Kamp Nou" stadioni yaqinida Lionel Messining haykalini o'rnatish rejasi haqida fikr bildirdi.

"Haykalni o'rnatish taklifi hali Messi oilasiga taqdim etilmagan. Ammo haykal ham, Messi sharafiga o'tkaziladigan o'yin ham amalga oshiriladi", dedi Laporta.

"Barselona" shanba kuni ta'mirlangan "Kamp Nou"da o'zining birinchi o'yinini o'tkazadi. Hozircha arena taxminan 45 000 muxlisni sig'dira oladi. Stadionning to'liq ochilishi kelasi yozda rejalashtirilgan. Barcha ishlar shu vaqtgacha yakunlanadi.