"Inter Mayami" hujumchisi Lionel Messi Sport.es sport nashri tomonidan "Barselona"ning XXI asrdagi eng yaxshi futbolchisi sovrinini qo'lga kiritdi.

Nashr rahbari Joan Vexils hozirgi klubi bazasida 38 yoshli argentinalik futbolchiga kubokni topshirish uchun Mayamiga borgan. Leo tig'iz jadval tufayli marosimga o'zi Madridga kela olmadi. Messi mukofotlangandan so'ng, "Barselona" muxlislari unga klub va shaharda o'tkazgan yillari uchun minnatdorchilik bildirayotgani aks etgan video namoyish etildi.

"Haqiqat shundaki, biz birgalikda ko'p narsalarni boshdan kechirdik, yaxshi va unchalik emas. Bunday uzoq karera davomida hamma narsa silliq bo'lmasligi va qiyin damlarni boshdan kechirishga to'g'ri kelishi tabiiy hol. Lekin, mayli, bu mening uyim, mening joyim, mening odamlarim. Albatta, qaytaman. Boshqa har qanday muxlis kabi stadionga boraman, jamoaga, klubga muxlislik qilaman", - deya qayd etdi Messi.