Taniqli insayder Fabritsio Romano Xarri Keynning "Bavariya"ni tark etishi mumkinligi haqidagi xabarga izoh berdi.

Matbuotda anchadan beri inglizning 2026 yilda vataniga qaytishi haqida gap-so'zlar yuribdi, so'nggi vaqtlardan beri 32 yoshli yulduzga da'vogarlar safiga "Barselona"ga ham qo'shildi. Romanoning ma'lumotiga ko'ra, hujumchi "Bavariya"da hamon baxtiyor va transfer mish-mishlariga chalg'ishni istamayapti. Futbolchi "Barsa" yoki boshqa klubga ketish haqida o'ylashdan oldin myunxenliklar bilan yangi shartnoma bo'yicha muzokaralar olib boradi.

Xarri Keynning "Bavariya" bilan amaldagi kelishuvi 2027 yilgacha mo'ljallangan bo'lib, uning Transfermarkt saytidagi taxminiy narxi 75 mln evroni tashkil etadi.