"Barselona" rahbariyati yangi markaziy hujumchi borasida bir qarorga keldi.

Mundo Deportivo xabariga ko'ra, "Barselona" "Atletiko"dan Xulian Alvaresning transferidan vaqtinchalik voz kechishga qaror qilgan. Endi kataloniyaliklar "Bavariya"dan Xarri Keynni o'z safiga qo'shib olish uchun maksimal darajada harakat qilishmoqchi. Aytish kerakki, Keynning xaridi "ko'k-anorranglilar"ga Alvaresning transferidan ikki barobar arzonroqqa tushishi mumkin. Hujumchining "Bavariya" bilan shartnomasida 65 million evrolik tovon puli ko'rsatilgan.

Joriy mavsumda 32 yoshli Keyn barcha musobaqalarda 18 ta o'yinda maydonga tushib, 24 ta gol urdi va 3 ta golli uzatmani amalga oshirdi. Hujumchining nemis grandi bilan mehnat shartnomasi 2027 yilgacha mo'ljallangan.